Բացատրական աշխատանքի շնորհիվ հետախուզվողը ներկայացավ կամավոր
![Բացատրական աշխատանքի շնորհիվ հետախուզվողը ներկայացավ կամավոր Բացատրական աշխատանքի շնորհիվ հետախուզվողը ներկայացավ կամավոր](/timthumb?src=/resources/police/img/news/big/1664350849-2281.jpeg&q=75&w=780&wm=1)
Ոստիկանության Նոր Նորքի բաժնի ծառայողների ձեռնարկած օպերատիվ-հետախուզական և բացատրական աշխատանքի շնորհիվ սեպտեմբերի 27-ին, ժամը 18.45-ին, ինքնակամ բաժին է ներկայացել 1990 թ. ծնված Ղազար Հ.-ն, որը սեպտեմբերի 26-ից հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով: Խափանման միջոցը ստորագրություն:
Ղազար Հ.-ն ներկայացվել է նախաքննական մարմնին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: