Հետախուզվողը ներկայացավ ոստիկանների բացատրական աշխատանքի շնորհիվ

Ոստիկանության Արաբկիրի բաժնի ՔՀԲ ծառայողների ձեռնարկած միջոցառումների և բացատրական աշխատանքի շնորհիվ օգոստոսի 16-ին բաժին է ներկայացել 28-ամյա Յուրի Մ.-ն, որը մայիսի 23-ից ոստիկանության ՔՈ գլխավոր վարչության կողմից հետախուզվում էր ՀՀ քրեական օրենսգրքի 119-րդ (Խոշտանգումը), 133-րդ (Ազատությունից ապօրինի զրկելը) և 322-րդ (Ինքնիրավչությունը) հոդվածների մեղադրանքով:
Խափանման միջոցը՝ կալանք:
Յուրի Մ.-ն ներկայացվել է քրեակատարողական հիմնարկ: