Ոստիկանների բացատրական աշխատանքի արդյունքում հետախուզվողներ են ներկայացել բաժիններ
![Ոստիկանների բացատրական աշխատանքի արդյունքում հետախուզվողներ են ներկայացել բաժիններ Ոստիկանների բացատրական աշխատանքի արդյունքում հետախուզվողներ են ներկայացել բաժիններ](/timthumb?src=/resources/police/img/news/big/1657366732-2404.jpeg&q=75&w=780&wm=1)
Ոստիկանության Շենգավիթի բաժնի ՔՀԲ ծառայողների բացատրական աշխատանքի շնորհիվ հուլիսի 8-ին բաժին է ներկայացել 64-ամյա Հասմիկ Ս.-ն, որը հունիսի 10-ից ոստիկանության Մալաթիայի բաժնի կողմից հետախուզվում էր ՀՀ նախկին քրեական օրենսգրքի 177-րդ հոդվածի (Գողությունը) մեղադրանքով:
Խափանման միջոցը՝ ստորագրություն:
Նա ներկայացվել է ոստիկանության Մալաթիայի բաժին:
***
Ոստիկանության Արաբկիրի բաժնի ՔՀԲ ծառայողների ձեռնարկած օպերատիվ-հետախուզական միջոցառումների և բացատրական աշխատանքի շնորհիվ հուլիսի 8-ին բաժին է ներկայացել 55-ամյա Ստեփան Ի.-ն, որը հուլիսի 1-ից հետախուզվում էր ՀՀ նախկին քրեական օրենսգրքի 258-րդ հոդվածի (Խուլիգանությունը) մեղադրանքով:
Խափանման միջոցը՝ ստորագրություն:
Նա ներկայացվել է նախաքննական մարմնին:
***
Ոստիկանության Թալինի բաժնի քրեական հետախույզների և համայնքային ոստիկանների օպերատիվ-հետախուզական միջացառումների և բացատրական աշխատանքի արդյունքում հուլիսի 8-ին բաժին է ներկայացել 38-ամյա Գևորգ Մ.-ն, որը. մայիսի 13-ից ՌԴ Բաշկորստանի Հանրապետության Դաշնային անվտանգության ծառայության կողմից հետախուզվում էր ՌԴ քրեական օրենսգրքի 322.1-րդ հոդվածի մեղադրանքով:
Առանց խափանման միջոցի:
Հետախուզվողի ներկայանալու մասին տեղեկացվել է հետախուզումը նախաձեռնողին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: