Բացատրական աշխատանքի արդյունքում հետախուզվողներ են ներկայացել բաժիններ
![Բացատրական աշխատանքի արդյունքում հետախուզվողներ են ներկայացել բաժիններ Բացատրական աշխատանքի արդյունքում հետախուզվողներ են ներկայացել բաժիններ](/timthumb?src=/resources/police/img/news/big/1653639501-3422.jpeg&q=75&w=780&wm=1)
Ոստիկանության Հրազդանի բաժնի քրեական հետախույզների և ՊՊԳՎ Հրազդանի պահպանության բաժնի ծառայողների համատեղ ձեռնարկած միջոցառումների և բացատրական աշխատանքի արդյունքում մայիսի 26-ին Դուբայ-Երևան չվերթի ինքնաթիռով վերադարձել և վարույթն իրականացնող մարմնին է ներկայացվել 35-ամյա Արմենուհի Պ.-ն, որը 2013 թ. սեպտեմբերի 3-ից հետախուզվում էր ՀՀ քրեական օրենսգրքի 132-րդ (Մարդու թրաֆիքինգը կամ շահագործումը) և 262-րդ (Պոռնկությամբ զբաղվելուն նպաստելը) հոդվածների մեղադրանքով:
Խափանման միջոցը՝ կալանք:
***
Ոստիկանության Մաշտոցի բաժնի ՔՀԲ ծառայողների բացատրական աշխատանքի շնորհիվ մայիսի 26-ին բաժին է ներկայացել 31-ամյա Էրիկ Ա.-ն, որը մայիսի 23-ից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Առանց խափանման միջոցի:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: