Հետախուզվողները ներկայացան բացատրական աշխատանքի շնորհիվ

Ոստիկանության Արաբկիրի բաժնի ծառայողների և վետերանների համատեղ ձեռնարկած միջոցառումների և բացատրական աշխատանքի արդյունքում մարտի 28-ին բաժին է ներկայացել 37-ամյա Արամ Օ.-ն, որը հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ բացակայելու արգելք:
Նա ներկայացվել է նախաքննական մարմին:

***

Ոստիկանության Վարդենիսի բաժնի ծառայողների բացատրական աշխատանքի շնորհիվ մարտի 28-ին բաժին է ներկայացել 29-ամյա Գևորգ Դ.-ն, որը հետախուզվում էր ՀՀ քրեական օրենսգրքի 452-րդ հոդվածի (Պաշտոնատար անձի օրինական ծառայողական կամ քաղաքական գործունեությանը միջամտելը) 3-րդ մասի մեղադրանքով:
Առանց խափանման միջոցի: