Բերման ենթարկվածի մոտ ատրճանակ է հայտնաբերվել
23.07.2022 13:21
Զենք-զինամթերքի հայտնաբերում
![Բերման ենթարկվածի մոտ ատրճանակ է հայտնաբերվել Բերման ենթարկվածի մոտ ատրճանակ է հայտնաբերվել](/timthumb?src=/resources/police/img/news/big/1658568141-856.jpeg&q=75&w=780&wm=1)
Ոստիկանության Էրեբունու բաժնի քրեական հետախույզներն ու համայնքային ոստիկանները համատեղ ձեռնարկած միջոցառումների շնորհիվ հուլիսի 22-ին, ժամը 22.35-ին, Սասունցի Դավթի և Բուռնազյան փողոցների խաչմերուկի մոտից, ապօրինի զենք և զինամթերք ձեռք բերելու, պահելու և կրելու կասկածանքով, ձերբակալել և բաժին են բերել 23-ամյա երիտասարդի: Նրա անձնական խուզարկությամբ պայուսակից հայտնաբերվել է 7,65 մմ տրամաչափի ատրճանակ՝ լիցքավորված 7 փամփուշտով:
23-ամյա երիտասարդը ներկայացվել է նախաքննական մարմնին:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: