57-ամյա կնոջը վնասվածքներ պատճառած տղամարդը հայտնաբերվել և բերման է ենթարկվել

Նոյեմբերի 4-ին «գանգուղեղային տրավմա և կոմատոզ վիճակ» ախտորոշմամբ հիվանդանոց բուժօգնության էր տեղափոխվել 57-ամյա մի կին, որը նոյեմբերի 5-ին, գիտակցության չգալով, մահացել էր:
Դեպքի առթիվ հարուցվել էր քրեական գործ՝ ՀՀ քրեական օրենսգրքի 112-րդ հոդվածի 2-րդ մասի 14-րդ կետի հատկանիշներով:
Ոստիկանության Տավուշի մարզային վարչության և Նոյեմբերյանի բաժնի ծառայողների ձեռնարկած օպերատիվ-հետախուզական միջոցառումների շնորհիվ տեղեկություններ են ստացվել, որ կնոջը մարմնական վնասվածքներ է պատճառել Նոյեմբերյանի բնակիչ 39-ամյա տղամարդը։ Նա հայտնաբերվել և բերման է ենթարկվել ոստիկանության Նոյեմբերյանի բաժին, որտեղ խոստովանել է, որ ինքն է հարվածներ հասցրել կնոջը և պատճառել մարմնական վնասվածքները:
Տղամարդը ձերբակալվել է:
Կատարվում է նախաքննություն: