Պատանին իր տանը դանակահարել է 45-ամյա տղամարդու. Բյուրեղավանի ոստիկանների բացահայտումը
![Պատանին իր տանը դանակահարել է 45-ամյա տղամարդու. Բյուրեղավանի ոստիկանների բացահայտումը Պատանին իր տանը դանակահարել է 45-ամյա տղամարդու. Բյուրեղավանի ոստիկանների բացահայտումը](/timthumb?src=/resources/police/img/news/big/1695126243-643.jpeg&q=75&w=780&wm=1)
Սեպտեմբերի 18-ին ոստիկանության Բյուրեղավանի բաժանմունքում տեղեկություններ են ստացվել, որ Բյուրեղավանի իր բնակարանում ծագած վիճաբանության ժամանակ 17-ամյա պատանին դանակով հարվածել և մարմնական վնասվածք է պատճառել 45-ամյա մի տղամարդու: Ժամը 21.10-ին պատանին ձերբակալվել և տեղափոխվել է ոստիկանության Կոտայքի բաժին, որտեղ խոստովանել է արարքը:
Քիչ անց հիվանդանոցից ստացվել է հաղորդում, որ նույն բակարանից շտապօգնության խումբը բուժօգնության է տեղափոխել տղամարդուն: Ախտորոշվել է որովայնի կտրած-ծակած վերք:
Կազմված փաստաթղթերը և Կ. Պետրոսյանը ներկայացվել են ՀՀ ՔԿ Աբովյանի քննչական բաժին, արարքի դրդապատճառն ու դեպքի մյուս հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: