Արաբկիրի քրեական հետախույզները բնակարանային գողություն են բացահայտել

Հուլիսի 23-ից 26-ը Արաբկիրի շենքերից մեկի մի բնակարանում, որտեղ նորոգման աշխատանքների պատճառով մարդ չէր բնակվում, գողություն էր եղել:
Գաղտնի հափշտակության մասին ոստիկանության Արաբկիրի բաժնում տեղեկացան հուլիսի 26-ի երեկոյան: Տանտերը բնակարան մտնելով ու տեսնելով կատարվածը՝ դիմել էր ոստիկանություն:
Օպերատիվ-քննչական խմբերը մեկնեցին դեպքի վայր: Բնակարանն առաջին հարկում էր: Հարմարեցված գործիքով էին բացել պատուհանը:
Փաստի առթիվ նախաձեռնվեց քրեական վարույթ:
Օպերատիվ-հետախուզական միջոցառումներ սկսվեցին:
Արաբկիրի քրեական հետախույզների պրոֆեսիոնալ աշխատանքի արդյունքում հաղորդումից երեք օր անց տեղեկություներ ստացվեցին, որ գողությունն արել է Երևանի 48-ամյա մի բնակիչ: Հուլիսի 30-ի առավոտյան նա հայտնաբերվեց, ձերբակալվեց ու ներկայացվեց Արաբկիրի քննչական բաժին:
Հանգամանքները նախաքննությամբ պարզվում են: