Բռնաբարության և սեքսուալ բնույթի բռնի գործողություններ կատարելու մեղադրանքներով հետախուզվող է հայտնաբերվել

Հունվարի 30-ին, ժամը 20.00-ին, ոստիկանության Կենտրոնականի բաժնի ծառայողները Երևանի Գարեգին Նժդեհի փողոցում գտնվող սուպերմարկետի մոտ հայտնաբերել և բերման են ենթարկել 1982 թ. ծնված Համբարձում Ղ.-ին, որը ս/թ. հունվարի 10-ից հետախուզվում էր ՀՀ քրեական օրենսգրքի 138 հոդվածի /բռնաբարություն/ 1-ին մասի և 139 հոդվածի /սեքսուալ բնույթի բռնի գործողությունները / 1-ին մասի մեղադրանքով:
Խուզարկությամբ նրա գոտկատեղից հայտնաբերվել է 34 սմ երկարությամբ, 21 սմ շեղբով, 4 սմ շեղբի լայնությամբ դանակ: