Բռունցքի հարված և ծնոտի կոտրվածք. մեղավորը ոստիկանությունում է

Մայիսի 30-ին ոստիկանությունում հաղորդում էր ստացվել Երևանի Մալաթիա թաղամասում գտնվող շուկայում ոմն Հայկի կողմից Ռոման Ո.-ին բռունցքով հարվածելու և վերջինիս ստորին ծնոտի կոտրվածքով հիվանդանոց տեղափոխելու մասին:
Ոստիկանության Մալաթիայի բաժնի ծառայողների ձեռնարկած միջոցառումներով պարզվել է, որ Հայկը 1988 թ. ծնված Հայկ Թ.-ն է, որը հունիսի 20-ին, ժամը 10.00-ին, բերման է ենթարկվել բաժին և խոստովանել հանցանքը:
Հայկ Թ.-ն ներկայացվել է ոստիկանության Մալաթիայի քննչական բաժին:
Կատարվում է նախաքննություն: