Գողություն Դավիթաշենում

Սեպտեմբերի 18-ին, ժամը 00.10-ին, ոստիկանության Դավիթաշենի բաժանմունք ահազանգ է ստացվել, որ Դավիթաշեն 2-րդ թաղամասի շենքերից մեկի բակում վիճաբանություն է:
Մեկնած օպերատիվ խմբին այդ շենքի մի բնակչուհի հաղորդում է տվել, որ երկու անծանոթ անձինք իրենց բնակարանից գողություն են արել և նկատելով իրեն՝ դիմել են փախուստի, սակայն իր ամուսինը նրանցից մեկին բռնել է:
Շենքի մոտակայքից հայտնաբերվել է պայուսակ, որի մեջ առկա էր տարբեր տեսակի հարմարեցված բանալիներ և ռետինե ձեռնոցներ ու նշված բնակարանից գողացված ոսկյա զարդերը:
Գողոնը մասամբ առգրավված է:
41-ամյա տղամարդը բերման է ենթարկվել ոստիկանության Դավիթաշենի բաժանմունք և ձերբակալվել:
Ձեռնարկվում են միջոցառումներ երկրորդ անձի ինքնությունը պարզելու և նրան ու գողոնի մյուս մասը հայտնաբերելու ուղղությանբ:
Կատարվում է նախաքննություն: