Պարեկները հովտաշենցի երիտասարդի մեքենայում գազային ատրճանակ են հայտնաբերել
17.11.2023 12:57
Արձանագրված դեպքեր
![Պարեկները հովտաշենցի երիտասարդի մեքենայում գազային ատրճանակ են հայտնաբերել Պարեկները հովտաշենցի երիտասարդի մեքենայում գազային ատրճանակ են հայտնաբերել](/timthumb?src=/resources/police/img/news/big/1700211515-8039.jpeg&q=75&w=780&wm=1)
ՆԳՆ ոստիկանության Կոտայքի ՊԾ գումարտակի 2-րդ վաշտի 1-ին դասակի պարեկները նոյեմբերի 16-ի ժամը 16.10-ի սահմաններում Ջրվեժ համայնքի Թևոսյան փողոցում, ամրագոտին չկապած վարելու համար, կանգնեցրել են «ՎԱԶ-2112» մակնիշի մի մեքենա: Արձանագրություն կազմելու ընթացքում վարորդի նստելատեղի ներքևի տեսանելի հատվածում պարեկները նկատել են զենքի նմանվող առարկա: 30-ամյա վարորդը հայտնել է, որ այն գազային ատրճանակ է:
Հովտաշենցի երիտասարդը տեղափոխվել է ոստիկանության Կոտայքի բաժին:
Կազմված փաստաթղթերն ուղարկվել են Աբովյանի քննչական բաժին: