Գողություն էին արել գերեզմանատնից. Նուբարաշենի ոստիկանների բացահայտումը
![Գողություն էին արել գերեզմանատնից. Նուբարաշենի ոստիկանների բացահայտումը Գողություն էին արել գերեզմանատնից. Նուբարաշենի ոստիկանների բացահայտումը](/timthumb?src=/resources/police/img/news/big/1613461310-507.jpeg&q=75&w=780&wm=1)
Ոստիկանության Նուբարաշենի բաժանմունքի ծառայողները, իրացնելով օպերատիվ տվյալները, փետրվարի 15-ին Նուբարաշենի գերեզմանատան մոտից, գողություն կատարելու կասկածանքով, բերման են ենթարկել 51-ամյա մի տղամարդու։ Պարզվել է, որ նա փետրվարի 11-ին ծանոթի հետ գերեզմանատնից գողացել է մի գերեզմանի ճաղավանդակի դյուրալյումինե նախշազարդերը։
Նուբարաշենի ոստիկանների ձեռնարկած միջոցառումների շնորհիվ պարզվել է տղամարդու ծանոթի ինքնությունը։ Պարզվել է նաև, որ նրանք գողացել են այլ գերեզմանների ճաղավանդակների դյուրալյումինե նախշազարդեր ևս:
Գողոնը հայտնաբերվել է:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: