Մալաթիայի ոստիկանները գողության դեպք են բացահայտել

Նոյեմբերի 14-ին ոստիկանություն հաղորդում տված քաղաքացին հայտնել էր, որ նոյեմբերի 6-ի ժամը 05.20-ի սահմաններում անհայտ անձը գողացել է Կուրղինյան փողոցի շենքերից մեկի բակում կայանված իր բեռնատար ամբարձիչ «Մերսեդեսի» ամբարձման մեխանիզմը՝ պատճառելով 400.000 դրամի վնաս:
Ոստիկանության Մալաթիայի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են գողությունը կատարողի ինքնությունը: Նոյեմբերի 30-ին Մասիս քաղաքի 40-ամյա բնակիչը հայտնաբերվել, ձերբակալվել և տեղափոխվել է Մալաթիայի բաժին: Նա ներկայացվել է նախաքննական մարմին, որտեղ տվել է խոստովանական ցուցմունք:
Գողոնը հայտնաբերվել է:
Կատարվում է նախաքննություն: