Ոստիկանները հայտնաբերեցին երթուղային ավտոբուսում կնոջ պայուսակից բջջային հեռախոս գողացողին
![Ոստիկանները հայտնաբերեցին երթուղային ավտոբուսում կնոջ պայուսակից բջջային հեռախոս գողացողին Ոստիկանները հայտնաբերեցին երթուղային ավտոբուսում կնոջ պայուսակից բջջային հեռախոս գողացողին](/timthumb?src=/resources/police/img/news/big/1507272978,4388.jpeg&q=75&w=780&wm=1)
Հոկտեմբերի 5-ին՝ ժամը 22.30-ին, ՀՀ ոստիկանության Երևան քաղաքի վարչության 6-րդ բաժանմունքի ծառայողները, իրացնելով ստացված օպերատիվ տվյալները, Բաղրամյան պողոտայի 26 հասցեի մոտից գողություն կատարելու կասկածանքով բերման են ենթարկել 1990 թ. ծնված Ասատուր Հ.-ին, որի մոտից անձնական խուզարկությամբ հայտնաբերվել է «Սամսունգ» մոդելի բջջային հեռախոս:
Նույն օրը՝ ժամը 22.55-ին, բաժին է ներկայացել 1976 թ. ծնված Արմինե Ե.-ն և հայտնել, որ ժամը 22.10-ից 22.30-ն ընկած ժամանակահատվածում թիվ 47 երթուղային ավտոբուսի սրահում իր պայուսակից գողացել են նշված հեռախոսը՝ պատճառելով նյութական վնաս:
Կատարվում է հետաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: