Հրազդանի ոստիկանները մեքենայից կատարված գողության դեպք են բացահայտել

Մարտի 29-ի առավոտյան ՆԳՆ ոստիկանության Կոտայքի մարզի օպերատիվ կառավարման կենտրոն էր զանգել Հրազդան քաղաքի Միկրոշրջան թաղամասի մի բնակիչ և հայտնել, որ գողացել են շենքի բակում կայանված իր «ՎԱԶ-21099»-ի նվագարկիչը:
Հրազդանի ոստիկանների ձեռնարկած միջոցառումների արդյունքում պարզվել է գողությունը կատարողի ինքնությունը: Հրազդան քաղաքի 37-ամյա բնակիչը հայտնաբերվել, ձերբակալվել և տարվել է բաժին:
Նախաձեռնվել է քրեական վարույթ:
Գողոնը հայտնաբերվել է։
37-ամյա տղամարդը ներկայացվել է Կոտայքի մարզային քննչական վարչություն: