Գողացել էր կրպակի սեփականատիրոջ դրամապանակը

30.07.2013 13:16 Գողություն

Հուլիսի 29-ին, ժամը 12.40-ին, ոստիկանության Կապանի բաժին է դիմել 45-ամյա մի տղամարդ և հայտնել, որ հուլիսի 27-ին, ժամը 08.30-ի սահմաններում, Շահումյան փողոցի թիվ 29 շենքի հարևանությամբ գտնվող առևտրի իր կրպակից գողացել են իր դրամապանակը, որի մեջ եղել է 380.000 դրամ:

Ոստիկանության ծառայողների ձեռնարկած միջոցառումներով պարզվել է, որ նշված գողությունը կատարել է 1974 թ. ծնված Էդուարդ Ա.-ն:

Էդուարդ Ա.-ն Գորիս քաղաքից բերման է ենթարկվել ոստիկանության Կապանի բաժին: Նրա խուզարկությամբ հայտնաբերվել է 300.000 դրամ գումար:

Հայտնաբերվածի կապակցությամբ Էդուարդ Ա.-ն բացատրություն է տվել, որ նշված գումարը տուժողի առևտրի տաղավարից գողացված գումարի մի մասն է, մնացածը ծախսել է իր անձնական կարիքների համար, իսկ դրամապանակը պատռել և նետել է Սյունիք գյուղի տարածքում:

Դրամապանակը Էդուարդ Ա.-ի մատնանշած վայրից հայտնաբերվել է:

Նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Գողացել էր կրպակի սեփականատիրոջ դրամապանակը

ՀԻՄՆԱԿԱՆ