Աշտարակի համայնքային ոստիկանները գողության դեպք են բացահայտել
![Աշտարակի համայնքային ոստիկանները գողության դեպք են բացահայտել Աշտարակի համայնքային ոստիկանները գողության դեպք են բացահայտել](/timthumb?src=/resources/police/img/news/big/1663059520-9823.jpeg&q=75&w=780&wm=1)
Իրացնելով ոստիկանության Աշտարակի բաժնի համայնքային ոստիկանության բաժանմունքում ստացված օպերատիվ տեղեկությունները՝ սեպտեմբերի 12-ին Օրգով գյուղում հայտնաբերվել, գողություն կատարելու կասկածանքով ձերբակալվել և բաժին է տեղափոխվել 36-ամյա մի տղամարդ: Նա իր վարած «ՎԱԶ-2106» մակնիշի մեքենայից ներկայացրել է գիշերային լուսավորության սարքեր և հայտնել, որ խաբեությամբ, տեխնիկական աշխատողի անվան տակ մեքենայով մուտք է գործել Օրգով գյուղի վարչական տարածքի աստղադիտարանի տարածք և գողացել լուսավորության սարքերը:
Բյուրական գյուղի 36-ամյա բնակիչը և կազմված փաստաթղթերը ներկայացվել են նախաքննական մարմին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: