Աշտարակի համայնքային ոստիկանները գողության դեպք են բացահայտել

Իրացնելով ոստիկանության Աշտարակի բաժնի համայնքային ոստիկանության բաժանմունքում ստացված օպերատիվ տեղեկությունները՝ սեպտեմբերի 12-ին Օրգով գյուղում հայտնաբերվել, գողություն կատարելու կասկածանքով ձերբակալվել և բաժին է տեղափոխվել 36-ամյա մի տղամարդ: Նա իր վարած «ՎԱԶ-2106» մակնիշի մեքենայից ներկայացրել է գիշերային լուսավորության սարքեր և հայտնել, որ խաբեությամբ, տեխնիկական աշխատողի անվան տակ մեքենայով մուտք է գործել Օրգով գյուղի վարչական տարածքի աստղադիտարանի տարածք և գողացել լուսավորության սարքերը:
Բյուրական գյուղի 36-ամյա բնակիչը և կազմված փաստաթղթերը ներկայացվել են նախաքննական մարմին: