Օդանավակայանի քրեական հետախույզները գողության դեպք են բացահայտել
![Օդանավակայանի քրեական հետախույզները գողության դեպք են բացահայտել Օդանավակայանի քրեական հետախույզները գողության դեպք են բացահայտել](/timthumb?src=/resources/police/img/news/big/1667211108-5221.jpeg&q=75&w=780&wm=1)
Հոկտեմբերի 30-ին ոստիկանության «Զվարթնոց» օդանավակայանի գծային բաժին հաղորդում տված քաղաքացին հայտնել էր, որ օդանավակայանում, իրեն անհայտ պայմաններում, գողացել են դրամապանակը, որի մեջ կար մոտ 5000 դոլար:
«Զվարթնոց» օդանավակայանի գծային բաժնի քրեական հետախույզները ձեռնարկած օպերատիվ-հետախուզական միջոցառումների շնորհիվ պարզել են դրամապանակը գողացողի ինքնությունը: 46-ամյա տղամարդը մայրաքաղաքի Երզնկյան փողոցում հայտնաբերվել, ձերբակալվել և ներկայացվել է գծային բաժին: Նա և կազմված փաստաթղթերը ներկայացվել են նախաքննական մարմնին:
Գողացված գումարը հայտնաբերվել է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: