Գողություն Գավառ-Սևան մայրուղում գտնվող խանութից

Մարտի 5-ին, ժամը 09.20-ին, ոստիկանության Սևանի բաժնում Լճաշեն գյուղի մի բնակչից հաղորդում է ստացվել, որ նույն օրը, ժամը 02.10-ի սահմաններում, Գավառ-Սևան մայրուղու աջակողմյան հատվածում գտնվող, իրեն պատկանող խանութի մուտքի դռան երկաթյա ճաղավանդակի կախովի փականը և դռան փականը տեխնիկական միջոցների գործադրմամբ կոտրելով՝ մտել և գողացել են տարբեր տեսակի ծխախոտ:
Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ գողությունը կատարել է 1981 թ. ծնված Պարույր Մ.-ն:
Պարույր Մ.-ն ձերբակալվել է:
Վնասի չափը պարզվում է:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: