ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Բացահայտվել է Գոռավան գյուղի գերեզմանոցում կատարված սպանությունը․ մեկ անձ կալանավորվել է

18.06.2021 13:43 Սպանություն

Հունիսի 13-ին, ժամը 19.10-ին, ոստիկանության Արարատի բաժին հաղորդում էր ստացվել, որ Գոռավան գյուղի գերեզմանատանը ծեծկռտուք է։ Րոպեներ անց ահազանգ հնչեց «Վեդի» բժշկական կենտրոնից։ Հիվանդանոց էր տեղափոխվել 33-ամյա տղամարդու դի՝ հրազենային վնասվածքներով։ Հիվանդանոց մեկնած օպերատիվ-քննչական խմբերը պարզեցին, որ տղամարդը վնասվածքները ստացել է Գոռավան գյուղի գերեզմանատանը։ Դեպքի վայր մեկնած ոստիկանության ու քննչական կոմիտեի ծառայողները հայտնաբերեցին տարբեր հրազենների՝ գնդացրի, ինքնաձիգի, ատրճանակի և հրացանի պարկուճներ, ավտոմեքենա՝ կրակոցների հետքերով, արնանման հետքեր և այլն։ Դեպքի վայր ժամանեցին նաև փորձաքրեագետներ։ Դեպքի առթիվ տարածքային քննչական բաժնում քրեական գործ հարուցվեց, որի շրջանակներում ձեռնարկված օպերատիվ-հետախուզական միջոցառումների շնորհիվ ոստիկանության ծառայողները պարզեցին հետևյալը։ Նախնական տվյալներով՝ մի խումբ տղամարդիկ վիճել էին, ինչը հանգուցալուծվել էր փոխհրաձգությամբ, և այդ ընթացքում էլ 33-ամյա տղամարդը վնասվածքներ էր ստացել։ Դեպքից ժամեր անց, արդեն հունիսի լույս 14-ի գիշերը, «Վեդի» բժշկական կենտրոն է տեղափոխվել նաև զինված միջադեպի մասնակիցներից 39-ամյա մի տղամարդ՝ դարձյալ հրազենային վնասվածքով։ Արարատի բաժնի ծառայողները, համագործակցելով մարզային վարչության ու ՔՈԳՎ ծառայողների հետ, օպերատիվ կերպով պարզեցին մասնակիցների ինքնությունը. բոլորն էլ Արարատի մարզի բնակիչներ են։ Նրանց հայտնաբերելու միջոցառումներին զուգահեռ իրականացվեց բացատրական աշխատանք, ինչի շնորհիվ սպանությունը կատարելու կասկածանքով որոնվող 32-ամյա տղամարդը հունիսի 14-ին, ժամը 19.30-ին, ներկայացավ ոստիկանության Արարատի բաժին, ապա տեղափոխվեց Վեդիի քննչական բաժին, տվեց խոստովանական ցուցմունք և կալանավորվեց։ Հետագա միջոցառումներով հայտնաբերվեց հանցագործության գործիքներից հրացանը։ Մյուս հրազենները, ինչպես և մասնակիցներին հայտնաբերելու ուղղությամբ օպերատիվ-հետախուզական միջոցառումներն ու քննչական գործողությունները շարունակվում են։ 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: