Գորիսի ոստիկանները առանց համապատասխան փաստաթղթի փայտանյութ են հայտնաբերել

Ոստիկանության Գորիսի բաժնի ծառայողները ծառայություն իրականացնելիս, ապրիլի 18-ին, ժամը 05.30-ի սահմաններում, Գորիս քաղաքի Երևանյան խճուղում, ապօրինի վառելափայտ տեղափոխելու կասկածանքով կանգնեցրել են 1965 թ. ծնված Մանվել Գ.-ի վարած «Ֆորդ» մակնիշի ավտոմեքենան, որի թափքում եղել է 3 մ/խ ընկուզենու գերան, ինչն առանց համապատասխան փաստաթղթերի Կապան քաղաքից տեղափոխում էր Եղեգնաձոր քաղաք:
Ըստ Մանվել Գ.-ի բանավոր հայտարարության` նշված վառելափայտը տարբեր ժամանակահատվածներում հատել է իր ընկերների այգիներից:
Մեքենան տեղափոխվել է բաժնի հատուկ պահպանվող տարածք:
Հանգամանքները պարզվում են:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: