Գործնական պարապմունք ՀՀ ոստիկանությունում (ՏԵՍԱՆՅՈՒԹ)

Հուլիսի 7-ին ոստիկանությունում տեղի ունեցավ հերթական գործնական պարապմունքը, որը վարում էր ոստիկանության պետի տեղակալ Սամվել Հովհաննիսյանը: Մասնակցում էին ոստիկանության շտաբի պետ Արամ Զաքարյանը, հասարակական կարգի ապահովման վարչության պետ Աղասի Կիրակոսյանը, կապի վարչության պետ Գեւորգ Հարությունյանը, տարածքային բաժինների պետեր: 

Աշխատանքային օրակարգում հետեւյալ հարցերն էին՝ ոստիկանության թույլտվության համակարգի գործունեությունը, համայնքային ոստիկանության գործունեության առանձնահատկությունները, ոստիկանության տարածքային ստորաբաժանումների գործողությունները քաղաքացիական պաշտպանության բնագավառում: 

Օրակարգի բոլոր հարցերի վերաբերյալ եղան զեկուցումներ:

Զեկույցներին հաջորդած քննարկման ընթացքում պարապմունքի մասնակիցները ներկայացրին իրենց դիտարկումները՝ դրանք հիմնավորելով ծառայողական փորձի օրինակներով: Մասնավորապես  կարեւորվեց անձնակազմի ամենօրյա աշխատանքի բարելավումը, համայնքային ոստիկանության տեսուչների համագործակցությունը բնակչության հետ եւ մի շարք այլ խնդիրներ, որոնք կնպաստեն  իրականացվող աշխատանքների արդյունավետությանը:

Գործնական պարապմունքի ավարտին կոնկրետ հանձնարարականներ տրվեցին տարածքային բաժինների պետերին: