Գրպանահատը՝ ոստիկանության տեսադաշտում

Նոյեմբերի 12-ին ոստիկանության Երևան քաղաքի վարչության օպերատիվ կառավարման կենտրոնից Մալաթիայի բաժնում հաղորդում էր ստացվել, որ իրենց է զանգահարել 1951 թ. ծնված Սոֆիկ Հ.-ն և հայտնել, որ թիվ 67 երթուղու ավտոբուսում իր պայուսակից գողացել են դրամապանակը, որի մեջ եղել է 43.000 դրամ և կուտակային քարտ:
Ոստիկանության Երևան քաղաքի վարչության գրպանահատության դեմ պայքարի բաժանմունքի և Մալաթիայի բաժնի ծառայողները, իրացնելով ստացված օպերատիվ տվյալները, Երևանի Սեբաստիայի և Ա. Սարգսյան փողոցների խաչմերուկից, գողություն կատարելու կասկածանքով, բերման են ենթարկել 1977 թ. ծնված Վահան Դ.-ին, ով տվել է խոստովանական բացատրություն:
Կատարվում է հետաքննություն: