Ոստիկանները գրպանահատին հայտնաբերեցին Ֆրանսիայի հրապարակում

Ապրիլի 10-ին, ժամը 13.00-ին, ոստիկանության Արաբկիրի բաժին մի քաղաքացուհուց ահազանգ է ստացվել, որ նույն օրը, ժամը 12-ի սահմաններում, թիվ 47 երթուղու ավտոբուսի սրահում իր պայուսակից գողացել են դրամապանակը, որի մեջ եղել է փող, բանկային քարտ, տարբեր խանութների զեղչային և կուտակային քարտեր:
Ոստիկանության Երևան քաղաքի վարչության գրպանահատության բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 1998 թ. ծնված Խաչիկ Ս.-ն, որը ժամը 21.00-ին Ֆրանսիայի հրապարակից բերման է ենթարկել և տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: