Խախտում կատարած վարորդի մոտ ծալովի դանակ է հայտնաբերվել
11.03.2024 15:05
Արձանագրված դեպքեր
![Խախտում կատարած վարորդի մոտ ծալովի դանակ է հայտնաբերվել Խախտում կատարած վարորդի մոտ ծալովի դանակ է հայտնաբերվել](/timthumb?src=/resources/police/img/news/big/1710155182-5684.jpeg&q=75&w=780&wm=1)
ՆԳՆ ոստիկանության ՊԾ Կոտայքի մարզի գումարտակի պարեկները մարտի 10-ին Հրազդան քաղաքում ծառայություն իրականացնելիս Հայ ֆիդայիների փողոցում նկատել են լուսաթափանցելիության սահմանված չափի խախտմամբ ապակիներով երթևեկող «Լեքսուս» մակնիշի մեքենա: Արձանագրություն կազմելու ժամանակ պարեկները վարորդի գոտկատեղի հատվածում նկատել են սառը զենքի նմանվող իր: Անմիջականորեն ծագած հիմնավոր կասկածի հիմքով 19-ամյա վարորդը ձերբակալվել և, մեքենայով հանդերձ, տեղափոխվել է ոստիկանության Հրազդանի բաժին: Անձնական խուզարկությամբ նրա մոտ հայտնաբերվել է 11 սմ շեղբով, ընդհանուր 24 սմ երկարության ծալովի դանակ:
Երիտասարդը, կազմված փաստաթղթերը և հայտնաբերված դանակը ներկայացվել են Կոտայքի մարզային քննչական վարչություն: