ԼՐԱՑՎԱԾ. 22-ամյա երիտասարդը հիվանդանոցում մահացել է
![ԼՐԱՑՎԱԾ. 22-ամյա երիտասարդը հիվանդանոցում մահացել է ԼՐԱՑՎԱԾ. 22-ամյա երիտասարդը հիվանդանոցում մահացել է](/timthumb?src=/resources/police/img/news/big/1685106196-3502.jpeg&q=75&w=780&wm=1)
Մայիսի 31-ին «Էրեբունի» բժշկական կենտրոնից հաղորդում է ստացվել, որ 22-ամյա Սահակ Սահակյանը մահացել է:
Քրեական վարույթը շարունակվում է:
Այգեզարդ գյուղում երիտասարդների վեճն ավարտվել էր դանակահարությամբ
26.05.2023 17:01
Մայիսի 25-ին, ժամը 22.40-ին, ոստիկանության Արտաշատի բաժին հիվանդանոցից հաղորդում էր ստացվել, որ «որովայնի թափանցող վիրավորում, ներքին և արտաքին արնահոսություն, հեմոռագիկ շոկ» ախտորոշմամբ բուժօգնության է ընդունվել 22-ամյա երիտասարդ:
Ոստիկանության Արտաշատի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ ժամը 20.00-ի սահմաններում Այգեզարդ գյուղի Ղարիբյան-Չկալովի փողոցների խաչմերուկում տեղի ունեցած վիճաբանության ժամանակ հիվանդանոց տեղափոխված այգեզարդցի երիտասարդին դանակահարել էր Այգեպատ գյուղի 21-ամյա բնակիչը:
Ձեռնարկված օպերատիվ-հետախուզական միջոցառումների արդյունքում մայիսի 26-ի ժամը 00.40-ին 21-ամյա երիտասարդը Այգեպատ գյուղում հայտնաբերվել, ձերբակալվել և տեղափոխվել է Արտաշատի բաժին, ապա ներկայացվել Արարատի մարզային քննչական վարչություն:
Նախաձեռնվել է քրեական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: