72-ամյա տղամարդուն դանակահարած երիտասարդը ձերբակալվել է
![72-ամյա տղամարդուն դանակահարած երիտասարդը ձերբակալվել է 72-ամյա տղամարդուն դանակահարած երիտասարդը ձերբակալվել է](/timthumb?src=/resources/police/img/news/big/1691479472-0868.jpeg&q=75&w=780&wm=1)
Օգոստոսի 8-ին, ժամը 02.19-ին, ՆԳՆ ոստիկանության օպերատիվ կառավարման կենտրոն է զանգել Քարակերտ գյուղի մի բնակիչ և հայտնել, որ գյուղում տեղի ունեցած դանակահարության հետևանքով 72-ամյա տղամարդու են տեղափոխում հիվանդանոց:
Ոստիկանության Բաղրամյանի բաժնի ծառայողները ձեռնարկած միջոցառումների արդյունքում պարզել են, որ ժամը 02.00-ի սահմաններում 72-ամյա քարակերտցու տան բակում կենցաղային հարցերի շուրջ ծագած վիճաբանության ժամանակ Մյասնիկյան գյուղի 32-ամյա բնակիչը դանակով խփել է տանտիրոջ որովայնին՝ պատճառելով թափանցող վնասվածք:
32-ամյա երիտասարդը հայտնաբերվել և ձերբակալվել է: Նա և կազմված փաստաթղթերը ներկայացվել են Արմավիրի մարզի քննչական վարչություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: