Չարենցավանում կատարված դանակահարության հետքերով

Սեպտեմբերի 16-ին, ժամը 23.00-ին, ոստիկանության Չարենցավանի բաժին «Չարենցավան» Բ/Կ-ից հաղորդում ստացվեց, որ «կրծքավանդակի ձախ կեսի ծակած վերք՝ արնահոսությամբ» ախտորոշմամբ իրենց մոտ է տեղափոխվել 16-ամյա Արսեն Գ․-ն։
Օպերատիվ-հետախուզական միջոցառումների արդյունքում ոստիկաններին հաջողվել է պարզել, որ սեպտեմբերի 16-ին, ժամը 22.00-ի սահմաններում, 3-րդ թաղամասում Արսեն Գ․-ն վիճել է 16-ամյա Սամվել Մ․-ի հետ։ Այդ ընթացքում Սամվել Մ․-ն դանակով հարվածել է Արսեն Գ-ին:
Բացատրական աշխատանքների արդյունքում, սեպտեմբերի 17-ին, ժամը 10.30-ին Սամվել Մ․-ն ներկայացել է ոստիկանության Չարենցավանի բաժին և տվել խոստովանական բացատրություն:
Ձեռնարկվում են միջոցառումներ դանակը հայտնաբերելու ուղղությամբ:
Կատարվում է քննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: