Դանակահարություն Թումանյանում

03.08.2015 12:44 Մարմնական վնասվածք

Օգոստոսի 1-ին, ժամը 15.30-ին, հիվանդանոցից ոստիկանության Թումանյանի բաժնում հաղորդում էր ստացվել, որ «ձախ նախաբազկի, միջին երրորդականի 3-սմ երկարությամբ կտրած վերք» ախտորոշմամբ բուժօգնության է դիմել 1958 թ. ծնված Սասուն Մ.-ն:

Մեկնած օպերատիվ խմբին Սասուն Մ.-ն բացատրություն էր տվել, որ վնասվածքը ստացել է նույն օրը, ժամը 15.00-ի սահմաններում, Սայաթ-Նովայի փողոցին հարակից այգում գտնվող իր արհեստանոցում աշխատելու ժամանակ ներկարարի լեզվակով անզգուշորեն իրեն վնասելու հետևանքով:

Նշանակվել էր ԴԲՓ:

Նյութերի նախապատրաստման ընթացքում ձեռնարկված օպերատիվ-հետախուզական միջոցառումների շնորհիվ օգոստոսի 2-ին, ժամը 12.00-ին, պարզվել է, որ օգոստոսի 1-ին, ժամը 14.30-ի սահմաններում, Սայաթ-Նովայի փողոցի թիվ 5 շենքի բակում 1955 թ. ծնված Հովհաննես Ս.-ն դանակով հարվածել է Սասուն Մ.-ի ձեռքին` պատճառելով վնասվածք:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Դանակահարություն Թումանյանում

ՀԻՄՆԱԿԱՆ