Հայտնաբերվեց Աքորիում և ներկայացվեց դատարան

Ոստիկանության Թումանյանի բաժնի ծառայողների ձեռնարկած օպերատիվ-հետախուզական միջոցառումների արդյունքում սեպտեմբերի 19-ին, ժամը 11.50-ին, Աքորի գյուղում հայտնաբերվել և Լոռու մարզի առաջին ատյանի ընդհանուր իրավասության դատարան է ներկայացվել 2001 թ. ծնված Ռուբիկ Օ.-ն: Նա օգոստոսի 11-ից Թումանյանի բաժնի կողմից հետախուզվում էր ՀՀ քրեական օրենսգրքի 387-րդ հոդվածի (Ծառերը, թփերը կամ բուսածածկն ապօրինի հատելը կամ ապօրինի ձեռք բերված կոճղերը, ծառերը կամ թփերը տեղափոխելը) 1-ին մասի մեղադրանքով դատաքննությունից խուսափելու համար:
Առանց խափանման միջոցի: