Դատաքննությունից խուսափողը հայտնաբերվեց

Ոստիկանության Թումանյանի բաժնի ծառայողների ձեռնարկած օպերատիվ-հետախուզական միջոցառումների շնորհիվ սեպտեմբերի 28-ին, ժամը 11.45-ին, Վաղարշապատ քաղաքի Հայոց բանակի փողոցում հայտնաբերվել և դատարան է ներկայացվել 1997 թ. ծնված Նարեկ Պ.-ն, որը սեպտեմբերի 13-ից հետախուզվում էր ՀՀ նախկին քրեական օրենսգրքի 118-րդ (Ծեծը) և 147-րդ (Բնակարանի անձեռնմխելիությունը խախտելը) հոդվածների մեղադրանքով՝ դատաքննությունից խուսափելու համար: Խափանման միջոցը՝ ստորագրություն չհեռանալու մասին: