Դեկտեմբերի 16-ից Երևանի մի շարք խաչմերուկներում կգործարկվեն նոր արագաչափեր
06.12.2013 10:46
Հայտարարություններ և ծանուցումներ
![Դեկտեմբերի 16-ից Երևանի մի շարք խաչմերուկներում կգործարկվեն նոր արագաչափեր Դեկտեմբերի 16-ից Երևանի մի շարք խաչմերուկներում կգործարկվեն նոր արագաչափեր](/timthumb?src=/resources/police/img/news/big/1386312599,64.jpeg&q=75&w=780&wm=1)
Ճանապարհային ոստիկանությունը տեղեկացնում է, որ շարունակվում են Երևան քաղաքում երթևեկության նկատմամբ վերահսկողության և իրավախախտումների արձանագրման տեսախցիկների տեղադրման աշխատանքները:
Մասնավորապես, 2013 թվականի դեկտեմբերի 16-ից գործարկվելու են Երևան քաղաքում նոր տեղադրված երթևեկության նկատմամբ վերահսկողության և իրավախախտումների արձանագրման տեսախցիկները, որոնք տեղակայված են Վ. Սարգսյան փողոց-Խորենացու փողոց, Շիրազի փողոց-Մազմանյան փողոց, Թումանյան փողոց-Սարյան փողոց, Մաշտոցի պողոտա-Պուշկինի փողոց և Մաշտոցի պողոտա-Հաղթանակի կամուրջ-Արգիշտի փողոց խաչմերուկներում:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:
Ճանապարհային ոստիկանություն