Պատահար Երևան-Մեղրի ճանապարհին. ձորում հայտնաբերվել է անհետ կորածի դիակը
![Պատահար Երևան-Մեղրի ճանապարհին. ձորում հայտնաբերվել է անհետ կորածի դիակը Պատահար Երևան-Մեղրի ճանապարհին. ձորում հայտնաբերվել է անհետ կորածի դիակը](/timthumb?src=/resources/police/img/news/big/1511439979,0637.jpeg&q=75&w=780&wm=1)
Նոյեմբերի 21-ին, ժամը 17.50-ին, ոստիկանության Վայքի բաժնում հաղորդում էր ստացվել, որ 1993 թ. ծնված Թաթուլ Թադևոսյանը նոյեմբերի 19-ին, ժամը 17.00-ի սահմաններում, իր վարած «ՎԱԶ-2106» մակնիշի ավտոմեքենայով տնից դուրս է եկել և չի վերադարձել:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ, նոյեմբերի 22-ին, ժամը 11.00-ի սահմաններում, Երևան-Մեղրի ճանապարհի 168.5 կմ-ին` ձորի մեջ կողաշրջված վիճակում, հայտնաբերվել է նշված ավտոմեքենան, որից մոտ 20 մ հեռավորության վրա գտնվել է Թ. Թադևոսյանի դիակը:
Հանգամանքները պարզվում են:
Նշանակվել է ԴԲՓ:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: