Դիպլոմներ՝ ակադեմիայի շրջանավարտներին /ՖՈՏՈՇԱՐՔ/
25.07.2013 18:36
Համակարգի լրատու
![Դիպլոմներ՝ ակադեմիայի շրջանավարտներին /ՖՈՏՈՇԱՐՔ/ Դիպլոմներ՝ ակադեմիայի շրջանավարտներին /ՖՈՏՈՇԱՐՔ/](/timthumb?src=/resources/police/img/news/big/1374792378,9834.jpeg&q=75&w=780&wm=1)
Հուլիսի 25-ին ոստիկանության կրթահամալիրի ակադեմիայում տեղի ունեցավ 2013 թվականի շրջանավարտների դիպլոմների հանձման հանդիսավոր արարողությունը, որին մասնակցում էին ոստիկանության պետ, գեներալ-լեյտենանտ Վլադիմիր Գասպարյանը, ոստիկանության բարձրաստիճան պաշտոնյաներ, ծնողներ, հյուրեր:
Ոստիկանության պետ Վլադիմիր Գասպարյանը հանդիսավոր միջոցառման մեկնարկից վաղ էր եկել կրթահամալիր: Կրթահամալիրի պետի և մյուս բարձրաստիճան ոստիկանների ուղեկցությամբ ոստիկանության պետը շրջեց կրթահամալիրի բարեկարգ տարածքում, ծանոթացավ շենքային և կենցաղային, կրթահամալիրի սաների համար նախատեսված լսարանների և կաբինետների պայմաններին, եղավ նիստերի դահլիճում, նորոգված սրահում, որը նախատեսվում է դարձնել ոստիկանության պատմության թանգարան:
Ոստիկանության պետ Վլադիմիր Գասպարյանի ողջույնի խոսքին հետևեց կրթահամալիրի ակադեմիայի շրջանավարտների դիպլոմների հանձման արարողությունը:
Դիպլոմների և սպայական կոչումների հանձման արարողությունը եզրափակվեց հանդիսավոր քայլերթով, որից հետո ելույթ ունեցավ ոստիկանության պետ, գեներալ-լեյտենանտ Վլադիմիր Գասպարյանը և հստակ ու իրատեսական պատգամ ուղղեց արդեն դիպլոմավորված ոստիկաններին:
Միջոցառման ավարտին ոստիկանության պետ Վլադիմիր Գասպարյանը անմիջական զրույց ունեցավ շրջանավարտների և նրանց ծնողների հետ:
![](/images/akademia250713-001.jpg)
![](/images/akademia250713-002.jpg)
![](/images/akademia250713-003.jpg)
![](/images/akademia250713-006.jpg)
![](/images/akademia250713-007.jpg)
![](/images/akademia250713-008.jpg)
![](/images/akademia250713-010.jpg)
![](/images/akademia250713-011.jpg)
![](/images/akademia250713-013.jpg)
![](/images/akademia250713-014.jpg)
![](/images/akademia250713-018.jpg)
![](/images/akademia250713-019.jpg)
![](/images/akademia250713-021.jpg)
![](/images/akademia250713-022.jpg)