Դիտեք «02» հաղորդաշարի նոյեմբերի 9-ի թողարկումը

11.11.2013 10:29 Համակարգի լրատու

- Անչափահասի հանդեպ վերաբերմունքը սովորաբար մեղմ է լինում, անկախ հանցանքի ծանրությունից: Այս անգամ էլ, մոտ երկու ամիս առաջ, խափանման միջոց էր ընտրվել ստորագրությունը չհեռանալու մասին, և Վանաձորի ոստիկանները հետո երկար չարչարվում էին գողությունների շարքը բացահայտելու համար:

- Գողության ընթացքը նկարահանվել էր տեսահսկող սարքերի միջոցով: Հանցագործներն էլ գիտեին այդ մասին և դիմակավորվել էին: Սակայն դա էլ չփրկեց նրանց:

- Ճանապարհատրանսպորտային երթևեկությունը հնարավորինս անվտանգ կազմակերպելու գործում տեխնիկական միջոցների` արագաչափերի և տեսահսկող սարքերի կիրառումն այլևս արդարացման խնդիր չունի. պակասել են մահվան ելքով վթարները, և սրանից կարևոր ցուցանիշ լինել չի կարող: Իսկ խախտուների գրանցման ու պատժի կիրառման հարցերում բողոքներ կլինեն, իհարկե, նաև սպառիչ պատասխաններով:

- Նախկին ոստիկան չի լինում. սա ասում են իրենք` ոստիկանության վետերանները: Այլ կերպ չի կարող լինել, քանի որ ոստիկանը ոչ միայն մասնագիտություն է, այլև տեսակ, տեսակ, որ էությամբ չի հանդուրժում օրինախախտությունն ու կարգազանցությունը: Միայն այս տարվա վեց ամսվա ընթացքում վետերանների ջանքերով մայրաքաղաքում բացահայտվել է 47 հանցագործություն, իսկ ամբողջ հանրապետությունում այդ թիվը կազմել է 59: Նրանք ակտիվորեն մասնակցել են նաև պրոֆիլակտիկ միջոցառումներին:

Դիտեք «02» հաղորդաշարի նոյեմբերի 9-ի թողարկումը

ՀԻՄՆԱԿԱՆ