Դիտեք «Կիրակնօրյա հերթապահ մաս» հաղորդաշարի նոյեմբերի 17-ի թողարկումը
18.11.2013 09:15
Համակարգի լրատու
![Դիտեք «Կիրակնօրյա հերթապահ մաս» հաղորդաշարի նոյեմբերի 17-ի թողարկումը Դիտեք «Կիրակնօրյա հերթապահ մաս» հաղորդաշարի նոյեմբերի 17-ի թողարկումը](/timthumb?src=/resources/police/img/news/big/1384753079,2695.jpeg&q=75&w=780&wm=1)
- Կատարվել էր ծանր հանցագործություն` ավազակային հարձակում, որի համար ոստիկանության Մալաթիայի բաժին բերման ենթարկվածները դպրոցականներ էին, երեխաներ, որ նույնիսկ հանցագործության պահին էին մանկամտություն արել:
- Թմրամոլությունը ինքնասպանության դանդաղ տեսակ է, մահվան տանող հիվանդություն, որ ախտահարում է ոչ միայն անհատին, այլև կարող է վերածվել համաճարակի: Սրա կանխումը նաև ոստիկանության գործն է, ու ցավոք այս ուղղությամբ աշխատանքի պակաս չկա: Բացահայտված թմրաշրջանառության հերթական դեպքը:
- Արմավիրում տեղի ունեցած սպանությունը հասարակական հնչողություն ստացավ, և, ինչպես փորձն է ցույց տալիս` դեռ շատ լրատվամիջոցներ կփորձեն սեփական միջոցներով առաջ քաշել պատճառահետևանքային կապերին վերաբերող վարկածներ: Հարուցվել է քրեական գործ, կատարվում է նախաքննություն, և այսօր, նաև նախաքննությանը չխոչընդոտելու համար, հնարավոր է ասել միայն այն, ինչ ներկայացնում ենք:
- Ավտովթարների մի մասն էլ վարորդների անփորձության հետևանք է: Դժվար է ասել, թե տարեկան քանի մարդ է որոշում հետիոտնի կարգավիճակից անցնել վարորդության: Մեր թեմատիկ էջը նրանց համար է, ու ոչ միայն նրանց: Յուրաքանչյուր փորձառու վարորդ կասի, որ ամառային ու ձմեռային երթևեկությունները էապես տարբեր բաներ են: Ձմեռը մոտ է, և ուրեմն` հիշենք մի քանի պայման, որոնք կօգնեն մեր անվտանգությանը:
- Բազմիցս ենք ասել. ոստիկանը մասնագիտություն չէ, այլ տեսակ, ու չի լինում նախկին ոստիկան, թոշակի անցած ոստիկան: Ոստիկանության վետերանն էլ ոստիկան է ու կարող է վնասազերծել հանցագործի: