Դանակահարություն ավտոտեխսպասարկման կետում

Փետրվարի 16-ին, ժամը 13-ին, հիվանդանոցից ոստիկանության Մաշտոցի բաժնում հաղորդում է ստացվել, որ Դավիթաշեն թաղամասից մարմնական վնասվածքներով բուժօգնության են տեղափոխվել 1982 թ. ծնված Սերյոժա Խ.-ն և 1979 թ. ծնված Ռոլանդ Թ.-ն, ովքեր ի վիճակի չեն եղել բացատրություն տալու:
Ոստիկանության Դավիթաշենի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ Դավիթաշենի 4-րդ թաղամասի թիվ 46/5 հասցեում գործող ավտոտեխսպասարկման կետում, վիճաբանության ժամանակ, Սերյոժա Խ.-ին և Ռոլանդ Թ.-ին դանակով հարվածել և վնասվածքները պատճառել է 1990 թ. ծնված Անդրանիկ Ա.-ն:
Ձեռնարկվում են միջոցառումներ Անդրանիկ Ա.-ին հայտնաբերելու ուղղությամբ:
Կատարվում է քննություն: