Դրամապանակի գողը հայտնաբերվեց

Հունիսի 23-ին, ժամը 16-ին, ոստիկանության Արաբկիրի բաժնի և Երևան քաղաքի վարչության ծառայողները Երևանի Կոմիտասի պողոտայի թիվ 56 հասցեի մոտից, գողություն կատարելու կասկածանքով, բերման են ենթարկել 1990 թ. ծնված Անդրանիկ Ա.-ին։
Խուզարկությամբ նրա մոտ հայտնաբերվել է դրամապանակ, որի մեջ եղել է գումար, զեղչի և կուտակային քարտեր:
Պարզվել է, որ դրամապանակը պատկանում է 1953 թ. ծնված Սվետլանա Ք.-ին, ով ժամը 16.05-ին, ներկայացել է բաժին և հայտնել, որ նույն օրը թիվ 47 երթուղու ավտոբուսի սրահում իր պայուսակից գողացել են դրամապանակը:
Կատարվում է հետաքննություն: