Դրամապանակի գողություն թիվ 47 երթուղու միկրոավտոբուսում
![Դրամապանակի գողություն թիվ 47 երթուղու միկրոավտոբուսում Դրամապանակի գողություն թիվ 47 երթուղու միկրոավտոբուսում](/timthumb?src=/resources/police/img/news/big/1507878955,3778.jpeg&q=75&w=780&wm=1)
Հոկտեմբերի 12-ին, ժամը 17.20-ին, ոստիկանության Արաբկիրի բաժնում 1981 թ. ծնված Էլեն Ս.-ն հաղորդում է տվել, որ նույն օրը, ժամը 13.30-ից 14.00-ն ընկած ժամանակահատվածում, թիվ 47 երթուղու միկրոավտոբուսի սրահում պայուսակից գողացել են 7.000 դրամ արժողության դրամապանակը, որի մեջ եղել է իր վարորդական իրավունքի վկայականը, դպրոցի ծնողկոմիտեի վկայական, արծաթյա խաչ, կախազարդ և զեղչային քարտեր՝ պատճառելով 27.000 դրամի վնաս:
Նույն օրը, ժամը 18.50-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Երևանի Բաղրամյան պողոտայի թիվ 75 հասցեի մոտից, գողությունը կատարելու կասկածանքով, բերման են ենթարկել 1986 թ. ծնված Հարություն Ն.-ին, որը տվել է խոստովանական բացատրություն:
Գողոնն առգրավված է:
Կատարվում է հետաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: