Ոստիկանները հայտնաբերեցին գրպանահատին. գողացված դրամապանակում խոշոր գումար էր

Հունիսի 24-ին, ժամը 22.45-ին, ոստիկանության Մաշտոցի բաժին մի քաղաքացուհուց ահազանգ է ստացվել, որ դրամապանակը կորցրել է:
Նյութերի նախապատրաստման ընթացքում պարզվել է, որ հունիսի 24-ին, ժամը 20.00-ից 20.15-ն ընկած ժամանակահատվածում, թիվ 5 երթուղու ավտոբուսի սրահում քաղաքացուհու պայուսակից գողացել են դրամապանակը, որի մեջ եղել է 1.000 դոլար, հիշողության կրիչ և բանկային քարտեր:
Ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, օպերատիվ տվյալներն իրացնելով, Հալաբյան փողոցից բերման են ենթարկել 31-ամյա մի տղամարդու, որը տվել է խոստովանական բացատրություն:
Գողոնը մասամբ վերցվել է:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: