ԵՄ խորհրդատվական խմբի իրավապահ մարմինների քաղաքականության հարցերով խորհրդատուն ՀՀ ոստիկանությունում
07.02.2014 19:26
Ընդունելություններ
![ԵՄ խորհրդատվական խմբի իրավապահ մարմինների քաղաքականության հարցերով խորհրդատուն ՀՀ ոստիկանությունում ԵՄ խորհրդատվական խմբի իրավապահ մարմինների քաղաքականության հարցերով խորհրդատուն ՀՀ ոստիկանությունում](/timthumb?src=/resources/police/img/news/big/1391786997,5332.jpeg&q=75&w=780&wm=1)
Փետրվարի 7-ին ոստիկանության շտաբի պետ, ոստիկանության գեներալ-մայոր Վարդան Եղիազարյանն ընդունեց ԵՄ խորհրդատվական խմբի իրավապահ մարմինների քաղաքականության հարցերով խորհրդատու Սթիվեն Բրաունին:
Հանդիպման ընթացքում հյուրի կողմից ներկայացվեցին ՀՀ ոստիկանության հետ համագործակցության շրջանակներում 2013 թ. ընթացքում կատարված աշխատանքները, ինչպես և ոստիկանության ոլորտում իրականացված ուսումնասիրություններն ու դրանց արդյունքները:
Սթիվեն Բրաունը դրվատանքի խոսքեր ուղղեց ՀՀ ոստիկանությանը` համակարգում կատարված նշանակալի բարեփոխումների առնչությամբ` ընդգծելով, որ այդ կարևոր ձեռքբերումների շնորհիվ ՀՀ ոստիկանությունը ուժ գործադրող մարմնից վերափոխվել է հասարակությանը ծառայություններ մատուցող կառույցի:
ՀՀ ոստիկանության շտաբի պետ Վարդան Եղիազարյանը շնորհակալություն հայտնելով Սթիվեն Բրաունին` ընդգծեց, որ ԵՄ խորհրդատվական խմբի կողմից տարվող աշխատանքները կարևոր օժանդակություն են ՀՀ ոստիկանության կողմից արձանագրված ձեռքբերումներն ամրապնդելու գործում:
Հանդիպման ընթացքում կողմերը քննարկեցին նաև առաջիկայում համատեղ իրականացվելիք աշխատանքները:
![](/images/V.E.070214_01.jpg)
![](/images/V.E.070214_02.jpg)
![](/images/V.E.070214_03.jpg)
Նամակ ՀՀ ոստիկանության պետին
![](/images/001V.E.070214_03.jpg)
Օրեր առաջ ԵՄ խորհրդատվական խմբի իրավապահ մարմինների քաղաքականության հարցերով խորհրդատու Սթիվեն Բրաունը նամակ էր հղել ՀՀ ոստիկանության պետ, գեներալ-լեյտենանտ Վլադիմիր Գասպարյանին, որում մասնավորապես ասվում էր.
«Հարգարժա՛ն պարոն Գեներալ-լեյտենանտ
Հենց նոր իմացա հայկական մամուլում տեղ գտած Ձեր հունվարի 15-ի ելույթի մասին:
Հույս ունեմ, որ կներեք ինձ այս ազատության համար, սակայն զուտ անձնական տեսանկյունից ուզում եմ օգտվել առիթից ու թե՛ արտահայտել հիացմունքս և թե՛ շնորհավորել Ձեզ` այս կարևոր դիրքորոշման համար: Իմ կարծիքով Ձեր խոսքում նշված ոստիկանության տեսլականը ցույց է տալիս, որ ՀՀ ոստիկանությունն ունի արժանի ղեկավար, այնպիսին, ինչպիսին անհրաժեշտ էր ունենալ և որին նա արժանի էր: Ահա այսպիսի հանրային և բաց նախաձեռնությունն է, որ կօգնի բարձրացնել Ոստիկանության բարի համբավը թե՛ հայ հասարակության և թե՛ միջազգային հանրության շրջանում և անխուսափելիորեն կամրացնի վստահությունը օրենքի գերակայության հանդեպ»: