Օպերատիվ խորհրդակցություն ոստիկանության Երևան քաղաքի վարչությունում (ՏԵՍԱՆՅՈՒԹ)
![Օպերատիվ խորհրդակցություն ոստիկանության Երևան քաղաքի վարչությունում (ՏԵՍԱՆՅՈՒԹ) Օպերատիվ խորհրդակցություն ոստիկանության Երևան քաղաքի վարչությունում (ՏԵՍԱՆՅՈՒԹ)](/timthumb?src=/resources/police/img/news/big/1450706617,4368.jpeg&q=75&w=780&wm=1)
Դեկտեմբերի 21-ին ոստիկանության Երևան քաղաքի վարչությունում տեղի ունեցավ օպերատիվ խորհրդակցություն, որը վարում էր ոստիկանության Երևան քաղաքի վարչության պետ, ոստիկանության գեներալ-մայոր Աշոտ Կարապետյանը: Քննարկվեցին հանցագործության դեպքերի բացահայտման ուղղությամբ կատարվող աշխատանքներին առնչվող հարցեր: Աշոտ Կարապետյանն անձնակազմի ուշադրությունը հրավիրեց Երևան քաղաքում կատարված և չբացահայտված սպանության, ավազակային հարձակումների, ծանր և միջին ծանրության մարմնական վնասվածքների դեպքերի բացահայտման, ինչպես և հետախուզվող անձանց հայտնաբերման հարցերին: Ոստիկանության Երևան քաղաքի վարչության ենթակա ստորաբաժանումների պետերը ներկայացրին իրենց վարչական տարածքների օպերատիվ իրավիճակը և բացահայտման ուղղությամբ իրականացվելիք աշխատանքները: Ամփոփելով օպերատիվ խորհրդակցությունը՝ Աշոտ Կարապետյանը ոստիկանության Երևան քաղաքի վարչության ծառայությունների և ենթակա ստորաբաժանումների կատարած աշխատանքները գնահատեց բավարար և տվեց մի շարք հանձնարարականներ: