Երեխայի վտանգավոր խաղը

23.08.2013 13:25 Հրդեհ

Օգոստոսի 19-ին, ժամը 14.25-ին, Իջևանի ՀՓԾ-ից ոստիկանության Իջևանի բաժնում հաղորդում էր ստացվել, որ Ենոքավան գյուղում խոտով բարձված ավտոմեքենա է այրվում:

Մեկնած օպերատիվ խումբը պարզել է, որ խոտը պատկանում է 1959 թ. ծնված Ռիտա Ա.-ին:

Նախապատրաստված նյութերով և ձեռնարկված օպերատիվ միջոցառումների շնորհիվ, օգոստոսի 22-ին, ժամը 15.45-ին պարզվել է, որ Ռիտա Ա.-ի 6-ամյա թոռնիկը լուցկով խաղալիս վառած հատիկը նետել է տան բակում կուտակված խոտի հակերի մեջ, ինչի հետևանքով հրկիզվել է դեզը և նրա մոտ կանգնած «ԶԻԼ-157» մակնիշի ավտոմեքենային բարձված խոտը:

Ըստ Ռիտա Ա.-ի` խոտը եղել է 8 տոննա, և պատճառված նյութական վնասը կազմում է 240.000 դրամ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Երեխայի վտանգավոր խաղը

ՀԻՄՆԱԿԱՆ