Երևանում oրերս կատարված կողոպուտը բացահայտվեց
![Երևանում oրերս կատարված կողոպուտը բացահայտվեց Երևանում oրերս կատարված կողոպուտը բացահայտվեց](/timthumb?src=/resources/police/img/news/big/1521529994,0023.jpeg&q=75&w=780&wm=1)
Մարտի 6-ին, ժամը 20.15-ին, հիվանդանոցից ոստիկանության Արաբկիրի բաժնում հաղորդում էր ստացվել, որ «վերին շրթունքի շրջանի կտրած-ծակած վերք» ախտորոշմամբ բուժօգնության է դիմել 1949 թ. ծնված Համլետ Ս.-ն և հայտնել, որ նույն օրը, ժամը 18.00-ին, Ազատության պողոտայի թիվ 19 հասցեի մոտ, երկու անհայտ անձանցից մեկը բռունցքով հարվածել է իր դեմքին, տաբատի գրպանից բացահայտ հափշտակել 2.600 դոլար և դիմել փախուստի:
Ոստիկանության Երևան քաղաքի վարչության և Աաբկիրի բաժնի ծառայողները, կողոպուտ կատարելու կասկածանքով, մարտի 19-ին, ժամը 20.40-ին, Գրիբոյեդովի փողոցի թիվ 7 շենքի մոտից բերման են ենթարկել 1984 թ. ծնված Վարդան Մ.-ին, Մանթաշյան փողոցի թիվ 2 շենքի մոտից՝ 1982 թ. ծնված Սարգիս Մ.-ին, Մամիկոնյանց փողոցի թիվ 36 շենքի մոտից՝ 1981 թ. ծնված Էդգար Ա.-ին:
Նրանք ձերբակալված են:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: