Զենք-զինամթերք՝ կամրջի մոտ

29.08.2013 14:28 Զենք-զինամթերքի հայտնաբերում

Օգոստոսի 28-ին, ժամը 16.30-ին, ոստիկանության Վաղարշապատի բաժին է ահազանգել անհայտ քաղաքացի և հայտնել, որ զենք-զինամթերք է թողնում Էջմիածին-Ոսկեհատ ճանապարհին՝ կամրջի մոտ:

Մեկնած օպերատիվ խումբը հայտնաբերել է 16 մմ տրամաչափի որսորդական հրացան, ինքնաձիգ-ատրճանակ` փամփշտակալով, «ՌԳԴ-5», «Ջ-1» և «Ֆ-1» տիպի 12 նռնակ` առանց պայթուցիչների, նռնակի 6 պայթուցիչ, 7.62 մմ տրամաչափի «Կարաբինի» 742, 5.45 մմ տրամաչափի 1.858, 7.62 մմ տրամաչափի ինքնաձիգի 573 փամփուշտ, ծխարձակիչ 3 գլանակ, ծխային նռնակ, ինքնաձիգի 7 պահունակ, ինքնաձիգի պահունակի 3 սանր, «Մակարով» ատրճանակի պահունակ և ինքնաձիգի 2 խլացուցիչ:

Հայտնաբերվածն ուղարկվել է փորձաքննության:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Զենք-զինամթերք՝ կամրջի մոտ

ՀԻՄՆԱԿԱՆ