Երիտասարդի մեքենայում ապօրինի պահվող զենք է հայտնաբերվել
![Երիտասարդի մեքենայում ապօրինի պահվող զենք է հայտնաբերվել Երիտասարդի մեքենայում ապօրինի պահվող զենք է հայտնաբերվել](/timthumb?src=/resources/police/img/news/big/1670916603-9283.jpeg&q=75&w=780&wm=1)
Ոստիկանության ՔՈԳՎ-ում օպերատիվ տվյալներ էին ստացվել, որ Ավան-Առինջ թաղամասում բնակվող մի երիտասարդ պահում և կրում է ապօրինի հրազեն:
Ոստիկանության Նոր Նորքի բաժնի ծառայողները ձեռնարկած միջոցառումների շնորհիվ դեկտեմբերի 6-ին 25-ամյա երիտասարդին Կոտայքի մարզի Առինջ գյուղի Աբովյան 10-րդ փողոցում հայտնաբերել, ձերբակալել և, «Ռենջ Ռովեր» մակնիշի մեքենայով հանդերձ, ներկայացրել են քննչական բաժին: Երիտասարդը հայտնել է, որ մեքենայի սրահում պահում է հրազեն:
Դեկտեմբերի 12-ին նախաձեռնված քրեական վարույթի շրջանակներում մեքենայի խուզարկությամբ հայտնաբերվել է առանց գործարանային համարի ատրճանակ, որը, ըստ ոստիկանության ՓՔՎ տեղեկանքի, արհեստագործական եղանակով պատրաստված ակոսափող հրազեն է:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: