Ապօրինի պահվող հրացան, որսն արգելված թռչուններ. Բաղրամյանի ոստիկանների բացահայտումը

Ոստիկանության Բաղրամյանի բաժնի քրեական հետախույզները փետրվարի 7-ին ուժեղացված ծառայություն իրականացնելու ժամանակ Վանանդ գյուղի վարչական տարածքում հայտնաբերել, ապօրինի որս կատարելու և ապօրինի զենք պահելու կասկածանքով ձերբակալել և բաժին են տեղափոխել երեք տղամարդու, որոնցից երկուսը՝ Լենուղի, մեկը՝ Այգեվան գյուղի բնակիչ: 43-ամյա այգեվանցու ձեռքին ողորկափող որսորդական հրացան կար, իսկ տոպրակում՝ որսն արգելված թռչուններ՝ ապռնակներ: Փաստաթղթերը ստուգելու արդյունքում պարզվել է, որ նա որսորդմիության անդամ չի, իսկ հրացանի համար չունի որևէ փաստաթուղթ:
Հայտնաբերվածը և կազմված փաստաթղթերը ուղարկվել են Արմավիրի մարզային քննչական վարչություն