Զենք-զինամթերք՝ նաև ոստիկանության վետերանների բացատրական աշխատանքների շնորհիվ
![Զենք-զինամթերք՝ նաև ոստիկանության վետերանների բացատրական աշխատանքների շնորհիվ Զենք-զինամթերք՝ նաև ոստիկանության վետերանների բացատրական աշխատանքների շնորհիվ](/timthumb?src=/resources/police/img/news/big/1440749558,2823.jpeg&q=75&w=780&wm=1)
Ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊՎ, Արագածոտնի մարզային վարչության ծառայողների և ոստիկանության վետերանների բացատրական աշխատանքների շնորհիվ՝ օգոստոսի 27-ին, ժամը 13.40-ին, Արագածոտնի մարզային վարչություն է զանգահարել մի քաղաքացի և հայտնել, որ զենք-զինամթերքը պոլիէթիլենային պարկով թողել է Աշտարակ քաղաքի դպրոցներից մեկի չգործող կաթսայատան պատի տակ:
Մեկնած օպերատիվ խումբը նշված վայրից, պոլիէթիլենային պարկում, հայտնաբերել է մեկփողանի, կարճեցված փողով և խզակոթով ողորկափող հրացան, 5.45 մմ տրամաչափի` 121, 7.62 մմ տրամաչափի՝ 21 փամփուշտ և ինքնաձիգի դատարկ պահունակ:
Հայտնաբերվածն ուղարկվել է փորձաքննության:
Կատարվում է հետաքննություն:
***
Ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊՎ, Արագածոտնի մարզային վարչության, Ապարանի բաժնի ծառայողների և ոստիկանության վետերանների բացատրական աշխատանքների շնորհիվ՝ օգոստոսի 27-ին, ժամը 17.35-ին, մի քաղաքացուց ահազանգ է ստացվել, որ Ապարան քաղաքի հին բենզալցակայանի շինության պատի տակ զինամթերք կա:
Նշված վայրից հայտնաբերվել է պոլիէթիլենային տոպրակ, որի մեջ եղել 5,45 մմ տրամաչափի 85 փամփուշտ, ինքնաձիգի դատարկ պահունակ և «Ֆ-1» տեսակի նռնակ` առանց պայթուցիչի:
Նշանակվել է դատաձգաբանական փորձաքննություն:
Կատարվում է հետաքննություն: